ОБЛЫС ӘКІМІ ТҰРҒЫНДАРДЫ ҚАБЫЛДАДЫ

Сейсенбі, 8 қазан күні облыс әкімі Оңдасын Оразалин облыс әкімдігі және «Нұр Отан» партиясы облыстық филиалының ғимаратында аймақ тұрғындарымен кезекті қабылдауын өткізді.
Жеке мәселелерімен келген облыс тұрғындары аймақ басшысына өз өтініштерін жеткізді. Өңір тұрғындары еңбек қатынастары, денсаулық сақтау, емделу, кәсіпкерлікті қолдау, жер, тұрғын үй мәселелерін көтерді.
Атап өтсек, облыс әкімдігінде 8 адамды 6 мәселе бойынша қабылдады. Ал «Нұр Отан» партиясы облыстық филиалының төрағасы ретінде 11 адамды 6 мәселесі бойынша қабылдады.
Азаматтардың барлық өтініштері мен ұсыныстарын мұқият тыңдаған  өңір басшысы мәселенің мән-жайына орай түсіндірме беріп өтті. Сонымен қатар, тиісті мемлекеттік органдар мен мемлекеттік мекеме басшыларына туындаған мәселелерді қолданыстағы заңнама аясында шешуге көмектесуді тапсырды.     

 

Ақтөбе облысы әкімінің баспасөз қызметі