«Ақтөбе облысының индустриялық – инновациялық даму басқармасы» ММ инвестициялар және инвестициялық жобаларды сүйемелдеу бөлімінің басшысы

«Б» корпусының бос мемлекеттік әкімшілік лауазымдарға орналасуға осы мемлекеттік органның мемлекеттік қызметшілері арасында ішкі конкурс туралы хабарландыру

Ақтөбе облысы әкімінің аппараты Барлық конкурсқа қатысушыларға қойылатын жалпы біліктілік талаптары:

 

Ақтөбе облысының барлық жергілікті атқарушы органдарының және (немесе) жергілікті бюджеттен қаржыландырылатын атқарушы органдарының мемлекеттік қызметшілері арасында «Б» корпусының уақытша бос мемлекеттік әкімшілік лауазымына орналасуға ішкі конкурс туралы хабарландыру.

«Ақтөбе облысы әкімінің аппараты» ММ, 030010, Ақтөбе қаласы, Әбілқайыр хан даңғылы 40, анықтама үшін телефоны: 8(7132)932130, 564921, 932076, e-mail: e.kuntazin@aktobe.gov.kz.

«Ақтөбе облысының индустриялық – инновациялық даму басқармасы» ММ инвестициялар және инвестициялық жобаларды сүйемелдеу бөлімінің басшысы, (негізгі қызметкердің оқуда болуына байланысты демалысы  кезеңіне, 2020 жылғы 31 қазанға дейін) D-О-3 санаты, индексі № 05-1,  1 бірлік.

Лауазымдық жалақысы еңбек сіңірген жылдарына байланысты 126 383,13 теңгеден 170 545,99 теңгеге дейін.

Функционалдық міндеттері: Инвестициялар және инвестициялық жобаларды сүйемелдеу бөлімін басқарады.

Нормативтік құқықтық актілердің, жоғары тұрған органдардың, облыс әкімінің, облыс әкімі орынбасарларының, басқарма басшысының тапсырмаларының, мемлекеттік органдар мен ұйымдардан сұраулардың, бөлім құзыретіне қатысты жеке және заңды тұлғалардан өтініштердің орындалуын қамтамасыз етеді.

Кәсіпкерлікті қолдау картасына және Индустрияландыру картасына енгізілген жобалардың, Кәсіпкерлікті қолдау картасынан және Индустрияландыру картасынан тыс іске асырылатын жобалардың, ҚР Қаржы даму институттарымен, оның ішінде халықаралық, трансұлттық компаниялармен, тауашалық жобаларды, «зәкірлік» жобаларды, өңдеу өнеркәсібі жобаларын, шетел капиталының қатысуымен жобаларды, бірлескен қазақстан-қытай жобаларын іске асыру барысына мониторинг жүргізуді ұйымдастыруды жүзеге асырады.

Инвестициялық жобаларды тарту бойынша жұмыстар жүргізеді.

Қытай Халық Республикасындағы Ақтөбе облысының өкілдігін дамыту бойынша жұмысты атқарады.

Бірлескен қазақстан-қытай инвестициялық жобаларына сүйемелдеу жасайды.

Мемлекеттік-жеке меншік әріптестік шеңберінде бірлескен жобаларды іске асырады.

Аумақтарды дамыту бағдарламасы, әлеуметтік-экономикалық даму болжамы, ҚР Премьер-Министрі мен облыс әкімі арасында жасалатын меморандумдар және жобалық басқару шеңберінде инвестициялық даму бөлігінде көрсеткіштер мен нысаналы индикаторларының мониторингін жүзеге асырады.

Мемлекеттік органдармен, ҚР Қаржы даму институттарымен, шаруашылық субъектілерімен бөлімнің құзыретіне қатысты өзара іс-қимыл және ынтымақтастық бойынша мәселелерді жалпы бақылауды жүзеге асырады.

Бөлім құзыретіне қатысты мәселелерді және  мерзімдік есептіліктің орындалуына бақылауды ұйымдастырады.

Даму қаржы институттарында инвестициялық жобаларды ілгерілетуге, перспективалы инвестициялық жобаларды әзірлеу мен іске асыруға және өңірге инвестициялар тартуға жәрдемдеседі.

Инвестицияларды тарту және өңірдің инвестициялық ахуалын жақсарту бойынша жоспарды әзірлеуді және іске асыруды жүзеге асырады.

Республика өңірлерімен және шет мемлекеттермен өзара тиімді байланыстарды дамыту бойынша бөлімнің құзыретіне қатысты көмек көрсетеді.

Өңірдің инвестициялық саясатын қалыптастыру бойынша мемлекеттік, үкіметтік және өңірлік бағдарламаларды, әлеуметтік-экономикалық даму болжамын әзірлеуге және іске асыруға қатысады.

Жетекшілік ететін мәселелер бойынша жеке және заңды тұлғалардың өтініштерін қарайды.

Бұқаралық ақпарат құралдарында инвестициялық қызмет мәселелерін жариялауды ұйымдастырады.

Басқарманың веб-сайтына бөлімнің жетекшілік ететін мәселелер бойынша өткізілген іс-шаралары туралы ақпаратты уақытылы орналастыруды қамтамасыз етеді.

Компьютерде Word, Excel, E-mail, Internet бағдарламаларымен жұмыс істей білу, ресми құжаттарды дайындау деңгейінде мемлекеттік тілді білу.

 

Конкурсқа қатысушыларға қойылатын талаптар:

Білімі бойынша талаптар:

Жоғары немесе жоғары оқу орнынан кейінгі білім; әлеуметтік ғылымдар, экономика және бизнес (экономика, менеджмент, қаржы, есеп және аудит, мемлекеттік және жергілікті басқару, маркетинг, әлемдік экономика), гуманитарлық ғылымдар (халықаралық қатынастар), құқық (құқықтану).

 

Қажетті құзыреттер бойынша талаптар:

Мынадай құзыреттердің бар болуы: стресске орнықтылық, бастамашылдық, жауапкершілік, қызметті тұтынушыға және оны хабарландыруға бағдарлану, адалдық, ынтымақтастық және әрекеттестік, қызметті басқару, шешім қабылдау, көшбасшылық;

 

Жұмыс тәжірибесі келесі талаптардың біріне сәйкес болуы тиіс:

1) мемлекеттік лауазымдарда жұмыс өтілі бір жылдан кем емес;

2) осы санаттағы нақты лауазымның функционалдық бағыттарына сәйкес салаларда үш жылдан кем емес;

3) Қазақстан Республикасы Парламентінің депутаты мәртебесінде немесе тұрақты негізде қызмет ететін облыс, республикалық маңызы бар қала, астана, аудан (облыстық маңызы бар қала) мәслихатының депутаты мәртебесінде немесе халықаралық қызметкер мәртебесінде қызмет өтілі екі жылдан кем емес;

4) мемлекеттік қызмет өтілі үш жылдан кем емес, оның ішінде орталық немесе облыстық деңгейдегі құқық қорғау немесе арнайы мемлекеттік органдарының немесе Қарулы Күштер әскери басқару органының тактикалық деңгейінен төмен емес, жергілікті әскери басқару органдарының немесе әскери оқу орындарының лауазымдарында екі жылдан кем емес;

5) жоғары оқу орнынан кейінгі білім бағдарламалары бойынша Қазақстан Республикасы Президентінің жанындағы білім беру ұйымдарында немесе шетелдің жоғары оқу орындарында Республикалық комиссия бекітетін басым мамандықтар бойынша оқуды аяқтауы;

6) ғылыми дәрежесінің болуы.

7) Президенттік жастар кадр резервіне алынған тұлғалар үшін жұмыс өтілі бес жылдан кем емес.

 

Конкурсқа қатысу үшін қажетті құжаттар:

1) «Б» корпусының әкімшілік мемлекеттік лауазымына орналасуға конкурс өткізу Қағидалардың 2-қосымшасына сәйкес нысандағы өтініш;

2) тиісті персоналды басқару қызметімен құжаттарды тапсыру күніне дейін күнтізбелік 30 күн ішінде расталған қызметтік тізім.

Құжаттардың толық емес пакетін немесе дәйексіз мәліметтерді ұсыну конкурс комиссиясының оларды қараудан бас тартуы үшін негіз болып табылады.

Азаматтар бiлiмiне, жұмыс тәжiрибесiне, кәсiби деңгейіне және беделіне қатысты (бiлiктiлiгiн арттыру, ғылыми дәрежелер мен атақтар берiлуi туралы құжаттардың көшiрмелерi, мiнездемелер, ұсынымдар, ғылыми жарияланымдар және өзге де олардың кәсіби қызметін, біліктілігін сипаттайтын мәліметтер) қосымша ақпараттарды бере алады.

«Қазақстан Республикасының мемлекеттік қызмет туралы» Қазақстан Республикасы Заңының 27-бабы 8–тармағының 3 бөлігіне сәйкес, осы мемлекеттік органның мемлекеттік қызметшілері арасындағы ішкі конкурсқа осы мемлекеттік органнан шығарылған адам ғана қатысуға құқылы.

Ішкі конкурсқа қатысуға ниет білдірген азаматтар конкурс өткізетін мемлекеттік органға құжаттарын электронды түрде "Е-қызмет" интегралды ақпараттық жүйесі не "Е-gov" электронды Үкімет порталы арқылы не хабарландыруда көрсетілген электрондық почта мекенжайына құжаттарды қабылдау мерзімінде тапсырады.

Құжаттар электронды түрде мемлекеттік органның электрондық почтасы арқылы берілген жағдайда олардың түпнұсқасы әңгімелесу басталғанға дейін бір сағаттан кешіктірілмей беріледі.

Оларды бермеген жағдайда тұлға конкурс комиссиясымен әңгімелесуден өтуге жіберілмейді.

Құжаттар конкурс өткiзу туралы хабарландыру соңғы жарияланғаннан күннен кейін келесі жұмыс күнінен бастап 3 жұмыс күннің ішінде тапсырылуы тиіс.

Конкурсқа қатысатын және әңгімелесуге жіберілген кандидаттар оны әңгімелесуге кандидаттарды жіберу туралы оларды хабардар еткен күннен бастап үш жұмыс күн «Ақтөбе облысының әкімі аппараты» ММ-сінде өтеді.

Бұл ретте, әңгімелесуге жіберілген кандидаттар конкурстық комиссия шешім қабылдаған күннен бастап бір жұмыс күн ішінде және әңгімелесу өткізуге дейін бір жұмыс күннен кешіктірмей әңгімелесу өткізу күні туралы хабарланады.

Сонымен қатар, басқарушы лауазымдарына үміттенген кандидаттар конкурс комиссиясымен айқындалған тақырыптар тізімінен бір эссені жазады.

Конкурс комиссиясы жұмысының ашықтылығы мен объективтілігін қамтамасыз ету үшін оның отырысына байқаушылар шақырылады.

Конкурс комиссиясының отырысына байқаушылар ретінде Қазақстан Республикасы Парламентінің және барлық деңгейдегі мәслихат депутаттарының, Қазақстан Республикасы заңнамасында белгіленген тәртіпте аккредиттелген бұқаралық ақпарат құралдарының, басқа мемлекеттік органдардың, қоғамдық бірлестіктердің (үкіметтік емес ұйымдардың), коммерциялық ұйымдардың және саяси партиялардың өкілдері, мемлекеттік қызмет істері жөніндегі уәкілетті органның қызметкерлері қатыса алады.

Байқаушылар әңгімелесу процесінде кандидаттарға сұрақтар қоймайды. Байқаушыларға конкурс комиссиясының жұмысына кедергі келтіретін іс-әрекеттер жасауға, кандидаттардың жеке басы деректеріне қатысты мәліметтерді жариялауға, кандидаттар қатысатын конкурс рәсімдерінде олардың техникалық жазба құралдарын қолдануға жол берілмейді.

Байқаушы ретінде конкурс комиссиясының отырысына қатысу үшін тұлға әңгімелесу басталғанға дейін бір жұмыс күнінен кешіктірмей персоналды басқару қызметіне (кадр қызметіне) тіркеледі. Тіркелу үшін тұлғалар персоналды басқару қызметіне (кадр қызметіне) жеке басын куәландыратын құжаттың көшірмесін немесе электрондық көшірмесін, Қағидалардың 26-тармағында көрсетілген ұйымдарға тиесілілігін растайтын құжаттардың көшірмелерін немесе электрондық көшірмелерін ұсынады.

Конкурсқа қатысушылар мен кандидаттар ҚР Мемлекеттік қызмет істері агенттігінің Ақтөбе облысы бойынша департаментіне Әбілқайыр хан даңғылы 40 (анықтама телефоны: 54-56-57) мекен-жайы бойынша, не Қазақстан Республикасының заңнамасына сәйкес сот тәртiбiнде конкурс комиссиясының шешiмiне шағымдана алады.

Конкурс комиссиясының шешімі қабылданған күннен бастап бес жұмыс күннен кешіктірмей уәкiлеттi органға немесе оның аумақтық бөлiмшесiне конкурс комиссиясының шешіміне шағым беру, уәкiлеттi органның немесе оның аумақтық бөлiмшесiнiң келіп түскен шағым бойынша тиісті шешім қабылдауына дейін конкурс комиссиясының шешімінің қолданылуын тоқтата тұруға негіз болып табылады.

 

 

 

«Б» корпусының мемлекеттік

әкімшілік лауазымына

орналасуға конкурс өткізу

қағидаларының 2-қосымшасы

Нысан

__________________________

(мемлекеттік орган)

 

 

Өтініш

 

Мені_______________________________________________________________________________________________________________________________

_______________________ бос мемлекеттік әкімшілік лауазымына орналасу конкурсына қатысуға жіберуіңізді сұраймын.

«Б» корпусының мемлекеттік әкімшілік лауазымына орналасуға конкурс өткізу қағидаларының негізгі талаптарымен таныстым, олармен келісемін және орындауға міндеттеме аламын.

Ұсынылып отырған құжаттарымның дәйектілігіне жауап беремін.

Қоса берілген құжаттар:

____________________________________________________________________

____________________________________________________________________

____________________________________________________________________

____________________________________________________________________

____________________________________________________________________

____________________________________________________________________

____________________________________________________________________

____________________________________________________________________

____________________________________________________________________

____________________________________________________________________

____________________________________________________________________

 

 

Мекен жайы және байланыс телефоны___________________________________

____________________________________________________________________

________                ____________________________________

  (қолы)                            (Тегі, аты, әкесінің аты (болған жағдайда))

 

«___»_______________ 20 __ ж.

Қосылды: 
06.02.2020 - 11:40
Соңғы өзгерiстер: 
11.02.2020 - 06:11