Обращения

You are here

[video:https://youtu.be/yTERC0xH70g]
Альжанов Самат Утеуулы

Сәлеметсіз бе, Бердібек Машбекұлы. Мен Альжанов Самат Шалқар қаласының тұрғынымын. Айтайын дегенім ,2007 жылдан бері үй салу үшін жердің кезегіне тұрып 2013 жылы кезегіміз жетіп Шалқар қаласынан жер алдық. Арендаға берілгені шектеулі 2 жыл болғандықтан аталған мерзімде өліп-өшіп үйімізді салып болып, биылғы 2016 жылдың маусым айында техникалық паспортын дайындадық. «Қыстың қамын жазда ойла» деп барымызша ерте қимылдап,газ қосу үшін шілде айының ортасында аудандық «Горгаз» мекемесіне өтініш бердік. Ондағы кісілер бүгін барып,үйлеріңізді қарап сызба жүргіземіз деді. Сол күні кешке дейін күттік, келмеді. Сол кеткеннен бақандай бір ай күттік. ( Арасында звондап қоямыз). Қош ,айтеуір 1 ай дегенде келіп уйіміздің схемасын алып ,енді күтіңдер Ақтөбеге жібереміз сол жақтан шешім келу керек деді.Бұл тамыз айының ортасы болатын.Ешкім де еріккеннен жылы орнын суытпайды ғой, бұрынғы ауылымызда орта мектеп жоқ болғандықтан балаларды оқыту үшін қыркүйек айында жаңа үйімізге көшіп келген болатынбыз. Биыл күн ерте суытты. Үй салқындағасын жылумен қамсыздандыру мекемесінің табалдырығын тоздырып,облыстан келетін шешімді күтумен болдық Әйтеуір 29 қыркүйек күні бақандай 45 күн күткен шешіміміз де келді ау әйтеуір. Енді бірер күнде газ қосасыздар ма,ақшасын төлей берейік па дедік. Жоқ келесі аптада счет ашамыз,сосын қосамыз деді ондағылар. Ал ,біздің қолымыздағы шартта қол қойғаннан кейін 3 күн ішінде жарнаны төлеу керек деген. Осыдан кейін счет ашылу үшін тағы 11 күн күттік. Ух,айтеур ақшасын төлеп,сырттан келетін монтажын жүргізіп қосып берсеңіздер деп тағы 1 апта мекеменің табалдырығын тоздырдық. «ҚазТрансГаз Аймақ» АҚ-ның Ақтөбе өндірістік филиалының директоры Тәжіғалиев А.Қ мен жасасқан шарт бойынша құрылыс-монтаж жұмыстары, врезка,приемка бари толенген ақшаның ішінде болу керек. Бірақ, біз құрылыс-монтажға қажетті карбит,оттегі баллоны сияқтыларды өзіміз сатып алып, әрең дегенде монтаж жүргіздірдік. Бұл уақытта Шалқарда күн суытып,ауа температурасы 0-ден түсіп кетті. Қырқына шыдаған қазақ қырық біріне де шыдайды ғой, монтаж жұмыстары жүргізілгеннен кейін үй іргесіне келіп тұрған газды қосып берер,ар жерде шашылып жүрген балаларымызды жинап, жылы үйде басымызды қосармыз деп қуанған едік. Өкінішке орай,олай болмады, облыстан газды қосыңдар деген бұйрық келмейінше газды қосуға болмайды екен. Ал ,ол бұйрық қашан келері белгісіз. Бұл неғылған бітпейтін шаруа, неғылған жайбасарлық. «Қасапшыға мал қайғы,қара ешкіге жан қайғы дегендей» біздің жай күйімізді суық үйде дірдектеп, жылыну үшін бала-шағасымен тентіреген адамдар ғана түсінер деп ойлаймын.Құрметті, Бердібек Машбекұлы! Шыдамның да шегі бар деп сізге жазып отырмын. Бұл мәселені,тездетіп шешудің, қазіргідей ақпараттық технологияның дамыған заманында қара халықты қаламның ұшымен қоя салатын бір ауыз рұқсатына қарап сонша уақыт қаңтарып қою дұрыс па ?
Арыз иесі: Альжанов С.У. 15.10.2016.

Правопорядок

Сəлеметсіз бе! Ағымдағы жылдың 01 тамызында Шалқар газ шаруашылығына (әрі қарай – Шалқар ГШ) Шалқар қаласының Даму аймағына жаңадан салған тұрғын үйін газдандыруға Сізден арыз берілген. Бұл айматың көшелері ретсіз және салынып жатқан үйлердің нөмірленбеуі себебінен газ желісінің эскизін сызуға барған Шалқар ГШ мекемесінің жұмысшылары Сіздің үйіңізді іздеп таба алмады. Арызыңызда көрсетілген 87076197957 нөмерлі ұялы телефоныңызға қоңырау шалғанда бірнеше мәрте байланыстан тыс жерде болды, кейін Шалқарда жоқ екендігіңізді, өзіңіз хабарласатыныңызды айтқансыз.

01.09.2016 жылы Сіз Шалқар газ шаруашылығы мекемесіне келіп, сол уақытта үйіңізге жүргізілетін газ желісінің эскиз сызбасы сызылды, Шалқар ГШ-мен техникалық талап жазылып, ол Ақтөбе өндірістік филиалына (әрі қарай - АӨФ) тіркелуге, келісім-шарт жасалу және атқарушы техникалық құжаттарын дайындалуға жіберілді.

03.10.2016 жылы АУТСОРСИНГ бағдарламасы қызметі құны жоғары болғандықтан, Сізбен шаруашылық тәсілмен (хоз. способ) келісім-шартқа отырды, «КазТрансГаз Аймақ» АҚ мен Сіздің араңызда ешқандай материалсыз, тек қана монтаж жұмысы мен атқарушы техникалық құжаттарын дайындауға, қабылдау мен қолданыстағы газ желісіне қосуға жалпы бағасы – 95 350 теңгеге келісім-шарт жасалды (құрылыс-монтаж жұмыстары мен атқарушы техникалық құжаттарын дайындау – 78 350 теңге, жұмыстарды қабылдау үшін 4100 теңге, негізгі газ желісіне қосу – 13440 теңге).

11.10.2016 ж. «Қазақстан Халық банкі» АҚ арқылы 95 350 теңге төленді.

15-16 қазан аралығында «Зенит» ЖШС-гі дәнекерлеушісі, «КазТрансГаз Аймақ» АҚ мен ЖШС «Зенит ТВК» арасындағы № 0304-2/126-16R, 18.02.2016 жылғы шарттың негізінде құрылыс-монтаж жұмыстарын жүргізді. 18.10.2016 жылы «Интергаз орталық Азия» АҚ-ның «Ақтөбе» МГҚБ филиалына қарасты Шалқар ГШ дәнекерлеушісі АӨФ тапсырысы бойынша негізгі газ желісіне Сіздің  газ желіңіз қосылды. 

Жаңалықтар таспасы